დიმიტრი სანაკოევი ოქრუაშვილის განცხადებაზე: "2007 წლის ახალ წელს ცხინვალში შევხვდებით" - დიდი ზიზღი იყო ხალხის მხრიდან ოქრუაშვილის მიმართ მის განცხადებასთან დაკავშირებით. დღეს მე არ ვიცნობ ადამიანს ცხინვალში, რომელიც პატივს სცემს ირაკლის

"ნაციონალური მოძრაობის" დროს პოლიტიკური თანამდებობის პირებისა და პოლიტიკურ პარტიებში გაერთიანებული მოქმედი და ყოფილი თანამდებობის პირების 2003 წლიდან დღემდე საქმიანობის შემსწავლელი საქართველოს პარლამენტის დროებითი საგამოძიებო კომისიის სხდომაზე, 2004-2008 წლებში საქართველოს ოკუპირებულ ტერიტორიებზე შექმნილ ვითარებასთან დაკავშირებით, სამხრეთ ოსეთის ადმინისტრაციის ხელმძღვანელი 2006-2022 წლებში დიმიტრი სანაკოევი საუბრობს.თეა წულუკიანის შეკითხვაზე, თუ როგორ იქნა აღქმული მაშინდელი თავდაცვის მინისტრის, ირაკლი ოქრუაშვილის სიტყვები - "2007 წლის ახალ წელს ცხინვალში შევხვდებით", დიმიტრი სანაკოევმა უპასუხა, რომ "დიდი ზიზღი იყო ხალხის მხრიდან ოქრუაშვილის მიმართ მის განცხადებასთან დაკავშირებით"."ძალია ცუდად, დიდი ზიზღი იყო ხალხის მხრიდან ოქრუაშვილის მიმართ მის განცხადებასთან დაკავშირებით. მანამდეც 2004 წლის ღონისძიებები რაც იყო 2 თვის ომი, ძალიან ცუდი რეაქცია ჰქონდა ხალხს, დღეს მე არ ვიცნობ ადამიანს ცხინვალში, რომელიც პატივს სცემს ირაკლის. ძალიან ცუდი განცხადება იყო. სანამ ოქრუაშვილი ამ განცხადებას გააკეთებდა, პრეზიდენტი მიხეილ სააკაშვილი სხვა განცხადებებს აკეთებდა იმ რეგიონის მიმართ და შემდეგ თავდაცვის მინისტრი აკეთებს ასეთ განცხადებას", - აღნიშნა დიმიტრი სანაკოევმა.