გურამ მაჭარაშვილი დროებითი საგამოძიებო კომისიის მუშაობაზე: ეს პროცესი იქნება მსგავსი ნიურნბერგის პროცესის

ეს პროცესი იქნება მსგავსი ნიურნბერგის პროცესის, - განაცხადა 2003-2012 წლებში მოქმედი რეჟიმისა და რეჟიმის პოლიტიკური თანამდებობის პირების საქმიანობის შემსწავლელი პარლამენტის დროებითი საგამოძიებო კომისიის მუშაობის შესახებ საუბრისას კომისიის წევრმა, „ხალხის ძალის“ აღმასრულებელმა მდივანმა გურამ მაჭარაშვილმა.მისი შეფასებით, ეს კომისია დაასრულებს კოლექტიურ ნაცმოძრაობას ქართულ პოლიტიკაში.„ეს პროცესი იქნება მსგავსი ნიურნბერგის პროცესის, რომელმაც თავის დროზე გერმანიაში დაასრულა ნაციონალ-სოციალისტური პარტიის, როგორც ფაშისტური რეჟიმის არსებობა და მაშინ ამოისუნთქა გერმანიამ. მანამდე იყო უბედურებები და არა მხოლოდ გერმანიაში, ეს ყველამ კარგად იცის. მსგავსად იმ პროცესისა, საქართველოშიც ეს კომისია თავისი დასკვნით და შემდგომ უწყებების გადაწყვეტილებით დაასრულებს კოლექტიურ ნაცმოძრაობას ქართულ პოლიტიკაში“, - განაცხადა გურამ მაჭარაშვილმა.დროებითი საგამოძიებო კომისიის პირველი საორგანიზაციო სხდომა დღეს გაიმართება.