გლობალურ AI ინფრასტრუქტურაზე ხარჯები 2028 წლისთვის 200 მილიარდ დოლარს გადააჭარბებს – IDC–ს პროგნოზი

გლობალური ინვესტიციები ინფრასტრუქტურაში, რომელიც საჭიროა AI ტექნოლოგიების მუშაობისთვის, 2028 წლისთვის 200 მილიარდ დოლარს გადააჭარბებს – პროგნოზირებს კვლევითი ორგანიზაცია International Data Corporation (IDC).
2024 წლის პირველ ნახევარში ორგანიზაციებმა მთლიანობაში 47,4 მილიარდი დოლარი დახარჯეს ინფრასტრუქტურაზე, რაც მოიცავს გამოთვლით სიმძლავრეს და მონაცემთა შენახვის შესაძლებლობებს, რაც 97%-ით მეტია გასული წლის ანალოგიურ პერიოდთან შედარებით.
ახალი სერვერების შეძენამ გასული წლის იანვარ-ივნისში შეადგინა ხელოვნური ინტელექტის ინფრასტრუქტურის მთლიანი დანახარჯების 95%, ხოლო ღრუბლოვანი სერვერების წილი მთლიან თანხაში 72% იყო.
ხელოვნური ინტელექტის პლატფორმის ოპერატორებს ურჩევნიათ იყიდონ სერვერები ამაჩქარებლებით (სერვერის მთელი ხარჯების 70%, წლიურად 178%-ით მეტი). IDC-ის ანალიტიკოსები ვარაუდობენ, რომ 2028 წლამდე ამ სეგმენტში ინვესტიციების საშუალო წლიური ზრდის ტემპი 42% იქნება.
interfax