გიორგი იაკობაშვილი - 2011 წელს, სოროსის ფონდის ხელმძღვანელმა, ქეთი ხუციშვილმა შემომითვალა, რომ ჩვენთან იქნება გრანტები და დავაფინანსებთ ოფისის ქირასო- დავწერეთ პროექტი და მისცეს სხვას. დავურეკე ზვიად ქორიძეს და მითხრა, მე რატომ მეუბნები, მედია პროექტების კოორდინატორი არის ალეკო ელისაშვილიო

2003–2012 წლებში მოქმედი რეჟიმის, ამ რეჟიმის პოლიტიკური თანამდებობის პირებისა და პოლიტიკურ პარტიებში გაერთიანებული მოქმედი და ყოფილი თანამდებობის პირების 2003 წლიდან დღემდე საქმიანობის შემსწავლელი საქართველოს პარლამენტის დროებითი საგამოძიებო კომისიის სხდომაზე, სადაც განსახილველი საკითხებია მედიისა და გამოხატვის თავისუფლების უხეში დარღვევის ფაქტები, კომისიის წევრები ჟურნალისტ გიორგი იაკობაშვილს უსმენენ.იაკობაშვილი საუბარში 2011 წლის მოვლენებს იხსენებს, როდესაც სოროსის ფონდის ხელმძღვანელმა, ქეთი ხუციშვილმა შეუთვალა, რომ იქნებოდა გრანტები, თუმცა, იაკობაშვილის თქმით, „მისცეს სხვას, ვისაც საერთოდ არ სჭირდებოდა“.„2011 წლის მარტია, სახლებიდან ვმუშაობთ, როდესაც სოროსის ფონდის ხელმძღვანელმა ქეთი ხუციშვილმა ვიღაცის პირით შემომითვალა, რომ ჩვენთან ახლა იქნება გრანტები, კერძოდ, 8 ათასი დოლარის ფარგლებში დავაფინანსებთ ოფისის ქირას, საოფისე ავეჯს და ტექნიკას, რაც ჩვენ არ გვქონდა. გამიკვირდა, რომ სოროსის ფონდის მხრიდან ასეთი შემონათვალი იყო, თუმცა, რადგან იყო, ავდექით, დავწერეთ პროექტი და მისცეს სხვას, ვისაც საერთოდ არ სჭირდებოდა ეს ამბავი და შემდეგ დავურეკე ზვიად ქორიძეს, რომელიც იყო ბორდის წევრი და მე ვუთხარი, რა არის მეთქი ეს და მე რატომ მეუბნებიო, მედია პროექტების კოორდინატორი არის ალეკო ელისაშვილიო. ყველანი კარგად ვხვდებით, რას ნიშნავს 2011 წელს სოროსის ფონდში მედია პროექტების კოორდინატორის პოსტი. ამ ადამიანს რა აქვს სალაპარაკო იმაზე, რომ დავუშვათ იქ ოპოზიციონერი ჟურნალისტი იყო ან ზოგადად, დღეს წარმოადგენს რაღაცას“-განაცხადა გიორგი იაკობაშვილმა.