გივი მიქანაძე: შვედეთის ხელისუფლების წარმომადგენლების გუშინდელ განცხადებაში ცალსახად იკვეთება ორმაგი სტანდარტი

 შვედეთის ხელისუფლების წარმომადგენლების გუშინდელ განცხადებაში ცალსახად იკვეთება ორმაგი სტანდარტი, - განაცხადა პარლამენტის განათლების, მეცნიერებისა და ახალგაზრდულ საქმეთა კომიტეტის თავმჯდომარემ გივი მიქანაძემ. დეპუტატი გამოეხმაურა შვედეთის მთავრობის ინიციატივას, რომელიც ითვალისწინებს ანტიდემოკრატიული მიზნების მქონე საქმიანობის უცხოური დაფინანსების აკრძალვას.„პირველ ივნისს ისინი აცხადებდნენ საქართველოში ფარას ანალოგიური კანონის ამოქმედებასთან დაკავშირებით, რომ ეს არის უკუსვლა და ანტიდემოკრატიული კანონი და მეორე დღეს, უკვე ორ ივნისს, ისინი აცხადებდნენ იმის თაობაზე, რომ საკუთარი ქვეყანა უნდა დაიცვან ანტიდემოკრატიული პროცესებისგან და გარე ჩარევების შესაძლებლობისგან, რაც რა თქმა უნდა ცალსახად მიუთითებს იმაზე, რომ მათ აქვთ ორმაგი სტანდარტებით მიდგომა. ის რაც თურმე შვედეთისთვის შესაძლებელია და დასაშვებია, არ შეიძლება რომ საქართველოში განხორციელდეს“, - აცხადებს მიქანაძე.შვედეთის მთავრობა აპირებს შეიმუშაოს წესები, რომლითაც ანტიდემოკრატიული მიზნების მქონე საქმიანობის უცხოური დაფინანსება აიკრძალება.