„გველოდება ცხელი აგვისტო და იმედი მაქვს - მაყურებლისთვის სასიამოვნო სექტემბერი - ჩემი სურვილია, კიდევ უფრო წინ წავიდეთ“ - ბაკურ ბაკურაძე

ტელეკომპანია "რუსთავი 2-ს" ახალი დირექტორი ჰყავს. "მედია ჰოლდინგის" ახალ ხელმძღვანელად რეჟისორი ბაკურ ბაკურაძე დაინიშნა.ის თანამშრომლებს არხის ყოფილმა დირექტორმა, ვაკო ავალიანმა წარუდგინა, რომელიც საქმიანობას დიპლომატიურ სამსახურში გააგრძელებს."კეთილი იყოს ჩემი ფეხი. რაც შეეხება სამომავლო გეგმებს; მე ზუსტად ახლა დავიწყებ დაგეგმვას. რაც შემიძლია ვთქვა, არის ის, რომ აგვისტოში დასვენება არ გველოდება. გველოდება ცხელი აგვისტო და იმედი მაქვს, რომ - მაყურებლისთვის სასიამოვნო სექტემბერი. შევხვდით ყველა მიმართულების ხელმძღვანელებს. ახლა დავიწყებ ყველგან ცალ-ცალკე შეხვედრას. ჩემი სურვილია, რომ კიდევ უფრო წინ წავიდეთ. იმედია, ის ჩანაფიქრები, რომელიც "რუსთავი 2-თან" დაკავშირებით მაქვს, ადგილობრივ, არაჩვეულებრივ სტაფთან ერთად, შესრულდება", - აცხადებს ბაკურ ბაკურაძე.