ახალი ბრძანება, რომელიც 4 ივნისიდან ამოქმედდება - დეტალები

საქართველოს მოქალაქის პირადობის, დროებითი და მუდმივი ბინადრობის, ასევე დროებითი საიდენტიფიკაციო ელექტრონული მოწმობების ფორმები იცვლება.შესაბამისი ბრძანება იუსტიციის მინისტრს ეკუთვნის და მიმდინარე წლის 4 ივნისიდან შევა ძალაში.ამასთან, ბრძანების ამოქმედებამდე გაცემული მოწმობები კანონმდებლობით განსაზღვრული ვადით მოქმედებს.აღსანიშნავია, რომ 4 ივნისიდან პირადობის მოწმობების დიზაინი იცვლება.შესაბამისად, ყველა ის ადამიანი, ვინც პირადობის მოწმობის აღებას 4 ივნისის შემდეგ გადაწყვეტს, განახლებული დიზაინის მოწმობას მიიღებს.როგორც ცნობილია, საქართველოს მოქალაქის პირადობის ელექტრონული მოწმობის, დროებითი ბინადრობის ელექტრონული მოწმობის, მუდმივი ბინადრობის ელექტრონული მოწმობისა და დროებითი საიდენტიფიკაციო ელექტრონული მოწმობის ტექნიკური მახასიათებლები იცვლება.