აჭარის უმაღლესი საბჭოს არჩევნების საბოლოო შედეგები

26 ოქტომბერს, საქართველოს საპარლამენტო არჩევნების პარალელურად, აჭარის ავტონომიური რესპუბლიკის უმაღლესი საბჭოს არჩევნები გაიმართა.

ავტონომიური რესპუბლიკის უმაღლესი საარჩევნო კომისიის მიერ 18 ნოემბერს გამოქვეყნებული შემაჯამებელი ოქმის მიხედვით, ხუთმა პარტიამ შეძლო პროპორციული მანდატების მოსაპოვებლად საჭირო 5%-იანი ბარიერის გადალახვა.

კომისიის მონაცემებით, ამომრჩეველთა საერთო რაოდენობამ 317 119 შეადგინა. არჩევნებში მონაწილეობა 201 572-მა ამომრჩეველმა მიიღო. 9653 ბიულეტენი გაბათილდა.

იმ სუბიექტების ხმები და მანდატები, რომელთაც პარლამენტში შესასვლელად საჭირო 5%-იანი ბარიერი გადალახეს, ასეთია:

• კოალიცია ცვლილებისთვის: გვარამია, მელია, გირჩი, დროა – 8,4% (16 115) – 1 ადგილი უმაღლეს საბჭოში; ერთიანობა-ნაციონალური მოძრაობა – 14,26% (27 369) – 4 ადგილი;
• ძლიერი საქართველო: ლელო, ხალხისთვის, თავისუფლებისთვის – 6,32% (12 118) – 1 ადგილი;
• გახარია – საქართველოსთვის – 8,63% (16 555) – 2 ადგილი;
• ქართული ოცნება – 57,45% (110 232) – 13 ადგილი.

უმაღლესი საბჭოს წევრები არიან:

1. დავით გაბაიძე (ქართული ოცნება);
2. გოგი ფუტკარაძე (ქართული ოცნება);
3. ტიტე აროშიძე (ქართული ოცნება);
4. რამაზ ჯინჭარაძე (ქართული ოცნება);
5. ცოტნე ანანიძე (ქართული ოცნება);
6. მინდია დიასამიძე (ქართული ოცნება);
7. ვახტანგ ბერიძე (ქართული ოცნება);
8. მამუკა თურმანიძე (ქართული ოცნება);
9. ფრიდონ ფუტკარაძე (ქართული ოცნება);
10. დავით ბაციკაძე (ქართული ოცნება);
11. მარინე გვიანიძე (ქართული ოცნება);
12. დავით თედორაძე (ქართული ოცნება);
13. ფატი ხალვაში (ქართული ოცნება);
14. ელგუჯა ბაგრატიონი (ერთიანობა-ნაციონალური მოძრაობა);
15. მიშა ბოლქვაძე (ერთიანობა-ნაციონალური მოძრაობა);
16. ედიშერ ჯღენტი (ერთიანობა-ნაციონალური მოძრაობა);
17. ლია ჯაყელი (ერთიანობა-ნაციონალური მოძრაობა);
18. გოჩა გუგუნავა (გახარია – საქართველოსთვის);
19. ირაკლი ბოლქვაძე (გახარია – საქართველოსთვის);
20. მირდატ ქამადაძე (კოალიცია ცვლილებისთვის);
21. გენადი თებიძე (კოალიცია ძლიერი საქართველო).

არჩევნების სავარაუდო გაყალბების გამო საპროტესტო აქციები ბათუმშიც იმართება. ბათუმის სახელმწიფო უნივერსიტეტის სტუდენტების საპროტესტო აქცია უკვე ხუთი ღამეა უნივერსიტეტში გრძელდება.  

ასევე წაიკითხეთ:

• 17/11/2024 – ჩხუბისა და პროტესტის ფონზე, ცესკო საბოლოო შედეგებს აქვეყნებს