აღდგა თუ არა მოძრაობა საბურთალოს ხაზზე სრულად - ინფორმაცია მეტროს მგზავრებისთვის

ამ დრომდე საგამოძიებო მოქმედებები მიმდინარეობს თბილისის მეტროპოლიტენში. როგორც „პრაიმტაიმს“ სატრანსპორტო კომპანიაში განუცხადეს, მეტროს საბურთალოს ხაზზე, მატარებლები სადგურის მოედნიდან „დელისამდე“ მოძრაობენ. რაც შეეხება მეტროსადგურებს, ვაჟა-ფშაველასა და სახელმწიფო უნივერსიტეტს, ამ დროისთვის, მგზავრებისთვის დაკეტილია. ცნობისთვის, თბილისის მეტროში მომხდარზე, რა დროსაც ახალგაზრდა კაცი დაიღუპა, სამართალდამცველებმა ერთი პირი ცხელ კვალზე დააკავეს.შემთხვევა თბილისის მეტროს საბურთალოს ხაზზე, დღეს, საღამოს მოხდა. თვითმხილველების ინფორმაციით, მეტროსადგურ „სახელმწიფო უნივერსიტეტში“, მგზავრს ხელი ჰკრეს, რომელიც ლიანდაგში ჩავარდა. ის ადგილზე დაიღუპა.