USAID-ის ფულის 95%-ს მოიხმარდა საქართველოს ხელისუფლება, ამის მაგალითია მართლმსაჯულების ე.წ. რეფორმა - პეტრე ცისკარიშვილი

საქართველოს პარლამენტის თავმჯდომარის, შალვა პაპუაშვილის განცხადება, სადაც ის "გამრუდებულ დიპლომატიაზე" საუბრობდა, პოლიტიკური დისკუსიის საგანია."ნაციონალური მოძრაობის" წევრი, პეტრე ცისკარიშვილი კი ამბობს, რომ USAID-ის გრანტების 95%-ს სწორედ "ქართული ოცნების" ხელისუფლება იყენებდა, მათ შორის, მართლმსაჯულების რეფორმის განსახორციელებლად."თქვენ რუბიოს განცხადებებს ყურადღებას დიდად ნუ მიაქცევთ - როგორმე, ამერიკის შიდა პოლიტიკურ საკითხებში, რესპუბლიკელები და დემოკრატები ერთმანეთში ჩამოყალიბდებიან და USAID-ის, ისევე, როგორც ყველა სხვა დონორის დაფინანსება მოემსახურება ამერიკის ეროვნულ ინტერესებს. ის, რომ USAID-ის ფულის აბსოლუტურ უმრავლესობას - 95%-ს მოიხმარდა საქართველოს ხელისუფლება, ამის მაგალითია თუნდაც ის მართლმსაჯულების ე.წ. რეფორმა, რომელიც ბოლო 10-12 წლის განმავლობაში განხორციელდა. აი, ასეთი რაღაცები ნამდვილად არ უნდა დაფინანსდეს დონორების ფულით," - აცხადებს პეტრე ცისკარიშვილი.