ISFED-ის განცხადებით, პარალელური დათვლის შედეგები ემთხვეოდა ცესკოს ოფიციალურ შედეგებს. თუმცა, ISFED-მა უარი განაცხადა დეტალური შედეგების გამოქვეყნებაზე - ლევან მახაშვილი

"ISFED-ის განცხადებით, პარალელური დათვლის შედეგები ემთხვეოდა ცენტრალური საარჩევნო კომისიის ოფიციალურ შედეგებს. თუმცა, ISFED-მა უარი განაცხადა დეტალური შედეგების გამოქვეყნებაზე" - ამის შესახებ განცხადება პარლამენტის ევროპასთან ინტეგრაციის კომიტეტის თავმჯდომარე, ლევან მახაშვილმა გააკეთა.მისი თქმით, შედეგების გამოქვეყნება ცენტრალური საარჩევნო კომისიის ოფიციალური შედეგების დასტური იქნებოდა, რაც ISFED-ს არ აწყობდა."ISFED-ის განცხადებით, პარალელური დათვლის შედეგები ემთხვეოდა ცენტრალური საარჩევნო კომისიის ოფიციალურ შედეგებს. თუმცა, ISFED-მა უარი განაცხადა დეტალური შედეგების გამოქვეყნებაზე. კიდევ ერთხელ, ეს ორგანიზაცია მანიპულირებს ამ შედეგებით და ამ შედეგების გამოქვეყნება იქნებოდა დასტური ცენტრალური საარჩევნო კომისიის ოფიციალური შედეგების, რაც არ აწყობდათ ამ ძალებს. მნიშვნელოვანია, რომ ამ დასკვნის თითოეული ინფორმაცია იყოს საჯარო, მინიმუმ შესწავლის საგანი და თუ პროკურატურამ სავარაუდოდ, არჩევნების ე.წ. გაყალბების საქმესთან დაკავშირებით თუ გამოითხოვა, მე მხოლოდ მივესალმები," - აცხადებს ლევან მახაშვილი.ცნობისთვის, "სამართლიანმა არჩევნებმა" საქართველოს გენერალური პროკურატურისგან წერილი მიიღო, რომლითაც უწყება ითხოვს 2024 წლის საპარლამენტო არჩევნებზე ხმების პარალელური დათვლისა და დათვლის შედეგად მიღებული დასკვნების ამსახველი სრული დოკუმენტაციის გაგზავნას. ორგანიზაციის ინფორმაციით, პროკურატურა დოკუმენტებს ითხოვს 2024 წლის საპარლამენტო არჩევნების სავარაუდო გაყალბების საქმეზე მიმდინარე გამოძიების ფარგლებში. ISFED წერს, რომ უწყებას შესაბამის დოკუმენტაციას გაუგზავნის.