“წვიმა ძლიერ ქართან ერთად და გზებზე ლიპყინული” - მეტეოროლოგის განახლებული პროგნოზი

მეტეოროლოგი, კობა ფარტენაძე სოციალურ ქსელში განახლებულ პროგნოზზე წერს: "ცივმა ატმოსფერულმა ფრონტმა საქართველოს ტერიტორიაზე მკვეთრი აცივება გამოიწვია, რასაც თან ახლდა ნალექი და ძლიერი ქარი, ზოგან ტემპერატურა 10-15 გრადუსით დაეცა. შაბათი არანორმალურად თბილი იყო,  ზოგან კლიმატის ახალი რეკორდი დაფიქსირდა, მაგალითად ბათუმში ბოლოს დაფიქსირებული ყველაზე მაღალი ტემპერატურა 23 ნოემბერს 1987 წელს იყო +25 გრადუსი, ამჯერად კი +26.7 C დაფიქსირდა.საინტერესოა ყველასთვის როგორი ამინდი გველოდება უახლოეს დღეებში:26 ნოემბერს- ნალექის ინტენსივობა დაიკლებს და დღის საათებში თითქმის ყველგან ხანმოკლე პერიოდით გამოიდარებს.27-28 ში და ზოგადად 29 ნოემბრის დილამდე,  ძალაში რჩება უამინდობის გაფრთხილება: წვიმა მთელს ქვეყანაში, პერიოდულად ძლიერი ნალექით, ძლიერ ქართან ერთად 17-22 მ/წმ- ში.მთიან რეგიონებში, ზღვის დონიდან 700 მეტრის ზემოთ მოსალოდნელია ძლიერი თოვლი და ქარბუქი, ასევე შესაძლებელია სველი თოვლის ძლიერი შეწებება საჰაერო გაყვანილობაზე, გზებზე იქნება ლიპყინული.ასე, რომ როგორც ვკითხულობთ კვლავ მოსალოდნელია მომდევნო დღეებში -  არასტაბილური ამინდი, კლიმატურ ნორმასთან ახლოს ან ოდნავ დაბალი ტემპერატურით, ნოემბრისთვის დამახასიათებელი უხვი ნალექით.გისურვებთ მშვიდ და დადებითი ემოციებით სავსე დღეებს.მეტეოროლოგი - კობა ფარტენაძე"