კარგი ამბავი. ხვიჩა გამოჯანმრთელდა – ითამაშებს “ჯენოასთან”?

Sky Sport-ის ცნობით, ხვიჩა კვარაცხელია იმაზე ადრე გამოჯანმრთელდა, ვიდრე ამას ვარაუდობდნენ და დღეს საერთო ჯგუფთან ერთად სრულად ივარჯიშა.
გამოცემა წერს, რომ კვარაცხელიამ მარჯვენა მუხლის ტრავმა მოირჩინა, შაბათს “ჯენოასთან” მატჩისათვის მზად იქნება და ახლა მწვრთნელმა ანტონიო კონტემ უნდა გადწყვიტოს, გენუაში ათამაშოს თუ არა.
თუ კონტე არ გარისკავს და ხვიჩას “ჯენოასთან” შეხვედრის განაცხადში არ შეიყვანს, მას 29 დეკემბერს სახლში “ვენეციასთან” ასპარეზობის საშუალება მიეცემა. გადაწყვეტილებას გუნდის თავკაცი სამედიცინო შტაბთან ერთად მიიღებს.