„ეს მგზავრების შეცდომაში შეყვანაა“ - სატრანსპორტო კომპანია განცხადებას ავრცელებს

თბილისის სატრანსპორტო კომპანია სოციალურ ქსელში გავრცელებულ ყალბ ინფორმაციას ეხმაურება:„სოციალურ ქსელში, კერძოდ კი Public transport Tbilisi-ს გვერდზე, ვრცელდება ინფორმაცია თბილისის სატრანსპორტო კომპანიის სამგზავრო ბარათის გათამაშებასთან დაკავშირებით. აღნიშნული ინფორმაცია არასწორია და მიზნად ისახავს მგზავრების შეცდომაში შეყვანას.მოვუწოდებთ ჩვენს მომხმარებლებს, არ მიიღონ გათამაშებაში მონაწილეობა“, - ნათქვამია უწყების განცხადებაში.