ამ მნიშვნელოვანი გამარჯვების შემდეგ, „ქართული ოცნება“ დაიწყებს ახალ თავს და ღირსეულად, ერთიანობითა და თავდადებით ივლის წინ, რათა მიიყვანოს საქართველო ერთ-ერთ უდიდეს მიზნამდე - ევროკავშირში გაწევრიანებამდე - ილია დარჩიაშვილი

საქართველოს საგარეო საქმეთა მინისტრი ილია დარჩიაშვილი საპარლამენტო არჩევნებს სოციალურ ქსელში ეხმაურება. ის აღნიშნავს, რომ ქვეყანამ კიდევ ერთხელ გააკეთა სწორი არჩევანი.„საქართველო, გილოცავ კიდევ ერთხელ სწორი არჩევანის გაკეთებას! დღევანდელმა საპარლამენტო არჩევნებმა დაამტკიცა, რომ ჩვენი ქვეყანა დემოკრატიის, მშვიდობის, სტაბილურობისა და განვითარების გზას ადგას. ამ მნიშვნელოვანი გამარჯვების შემდეგ, „ქართული ოცნება“ დაიწყებს ახალ თავს და ღირსეულად, ერთიანობითა და თავდადებით ივლის წინ, რათა მიიყვანოს საქართველო ერთ-ერთ უდიდეს მიზნამდე - ევროკავშირში გაწევრიანებამდე და შექმნას უკეთესი და აყვავებული მომავალი ჩვენი ერისთვის“, - წერს დარჩიაშვილი X-ზე.