"ხელისუფლების ლეგიტიმაციის კითხვის ნიშნის ქვეშ დაყენების არანაირი საფუძველი არ არსებობს, ძნელად წარმოსადგენია, რა არგუმენტი უნდა მოიყვანონ საქართველოსადმი ანტაგონისტურად განწყობილმა ძალებმა" - დავით მათიკაშვილი

ბრიუსელში მიმდინარე სხდომას თბილისში აფასებენ. საპარლამენტო უმრავლესობის წევრების განცხადებით, შეზღუდვების დაწესების არანაირი საფუძველი და არგუმენტი არ არსებობს."ჩვენ ქვეყანაში ჩატარდა არჩევნები, რომელიც ეუთო/ოდირის დასკვნის შესაბამისად პოზიტიურად შეფასდა. გაკეთდა კონკრეტული მნიშვნელოვანი ჩანაწერი, რომ ცენტრალურმა საარჩევნო კომისიამ ძალიან მაღალი სტანდარტით ჩაატარა ეს არჩევნები. ლეგიტიმაციის კითხვის ნიშნის ქვეშ დაყენების არანაირი საფუძველი არ არსებობს, ამიტომ ძნელად არის წარმოსადგენი თუ რა საფუძველი და არგუმენტი უნდა მოიყვანონ საქართველოსადმი ანტაგონისტურად განწყობილმა ძალებმა თუკი რაიმე ფორმით შეეცდებიან ნეგატიური გადაწყვეტილების მიღებას,"- აცხადებს პარლამენტის საპროცედურო საკითხთა და წესების კომიტეტის თავმჯდომარე დავით მათიკაშვილი.