წარმოუდგენელი მარაზმი ხდება, მათ შორისაა ის გამეტებული საჩუქარი ქართული ჯაშუშური ქსელის მიმართ, რომელიც ზელენსკის ხელით გაუკეთეს პატრონებმა ოპოზიციას - მამუკა მდინარაძე

უმრავლესობის ლიდერის, მამუკა მდინარაძის განცხადებით, ქართული ოპოზიცია ისეთ მავნებლობაში შესული, რომ ყველა მეთოდს იყენებს ვიზალიბერალიზაციის შეჩერებაზე თუნდაც საუბრის დასაწყებად, რაც წარმოუდგენელია.მისი განმარტებით, "უცხოელმა პატრონებმა აგენტურულ ქართულ ოპოზიციას, ზელენსკის მიერ საქართველოს ხელისუფლებისთვის სანქციების დაწესებით, საჩუქარი გადმოუგდეს"."ბევრი მცდელობაა, მათ შორის, ისინი ცდილობენ, რომ ლაპარაკი მაინც დაიწყოს ვიზალიბერალიზაციაზე და მის შეჩერებაზე. წარმოიდგინეთ რამხელა მავნებლობაში არიან შესულები, რომ იქნებ ვინმემ ლაპარაკი მაინც დაიწყოს ვიზალიბერალიზაციის შეჩერებაზე. ეს წარმოუდგენელი, მაგრამ ცდილობენ განცხადებების დონეზე მაინც დაიწყონ. მათ მინიმალურ საჩუქარი გადმოუდგეს და ეს განმამარტებინეს ზელენსკის. მაგრამ, ქართული საზოგადოება ყველაფერს კარგად ხვდება. ჩვენგანაც არ იყო რეაქციები, როდესაც აშშ-ის ჯერ კიდევ მოქმედმა ადმინისტრაციამ გააკეთა განცხადება სტრატეგიული პარტნიორობის შეჩერებაზე და ეს ხალხს უკვე სასაცილოდ არ ჰყოფნის. ზოგიერთი ადმინისტრაციის ასეთ არასერიოზული დამოკიდებულება ნიშნავს იმას, რომ ამ ყველაფერს აუფასურებენ და დასავლეთს ქართველების თვალში მაქსიმალურ დისკრედიტაციას თავადვე უკეთებენ. ჩვენ ვართ ის ხალხი, რომელიც ვცდილობთ, რომ ეს არ მოხდეს. ჩვენ ვამბობთ, რომ ეს აშშ-ის მოქმედი ადმინისტრაციის მავნებლობაა. აშშ-ის ელჩის მიმართ, როგორც პიროვნების მიმართ გვაქვს პოზიტიური დამოკიდებულება. მაგრამ, ამ ადამიანს სამწუხაროდ უწევს რაღაც "ქარდებს" დადება და რაღაც შაირობა გამოდის. აშშ-ის საელჩო ყოველდღე რაღაც საშაირო "ქარდებს" დებს და ჩვენ რა უნდა ვუპასუხოთ. საოცრება ხდება, წარმოუდგენელი მარაზმი ხდება და სამწუხაროდ, ამ რიგშია ის გამეტებული საჩუქარი ქართული ჯაშუშური ქსელის მიმართ, რომელიც ზელენსკის ხელით გაუკეთეს მათმა პატრონებმა ქართულ აგენტურულ ოპოზიციას", - განაცხადა მამუკა მდინარაძემ.