„ძლიერი საქართველოს“ წევრები ვიცავთ კანონს და ვავსებთ დეკლარაციებს, ანგარიშს ვაბარებთ ქართველ ხალხს, ვისაც დასამალი არაფერი აქვს, ის საზოგადოებას თამამად აბარებს ანგარიშს - ირაკლი კუპრაძე

ჩვენ, „ძლიერი საქართველოს“ წევრები, მიუხედავად იმისა, რომ უარი გვაქვს ნათქვამი მანდატებზე ინდივიდუალური განცხადებებით და ჩახსნილი გვაქვს საპარლამენტო სია, ვიცავთ კანონს, ვიცავთ საქართველოს მოქალაქეების წინაშე პოლიტიკოსების მხრიდან ანგარიშვალდებულების პრინციპს და ვავსებთ დეკლარაციებს, – ამის შესახებ კოალიცია „ძლიერი საქართველოს“ წევრმა, ირაკლი კუპრაძემ განაცხადა.კუპრაძის თქმით, ამით ანგარიშს აბარებენ მხოლოდ ქართველ ხალხს.ამასთან, ირაკლი კუპრაძის განმარტებით, „კატეგორიულად მოითხოვენ, რომ გამოქვეყნდეს „ქართული ოცნების“ თვითაღიარებული სახელმწიფო მოხელებიის, თანამდებობის პირების, პოლიტიკოსებისა და ყველა იმ პირის დეკლარაციები, ვისაც კანონი ავალდებულებს დეკლარაციის შევსებას“.„ქართული ოცნების“ არალეგიტიმური ხელისუფლების მარიონეტულმა წარმონაქმნმა, ანტიკორუფციულმა ბიურომ, „ქართული ოცნების“ კორუმპირებული ჩინოვნიკების ქონებრივი დეკლარაციების გამოქვეყნება შეწყვიტა, რაც პირდაპირი დარღვევაა და ეწინააღმდეგება საზოგადოებასთან ანგარიშვალდებულების, საჯაროობისა და გამჭვირვალობის პრინციპს, რასაც ეს ბიურო უნდა ეფუძნებოდეს. ამ უწყების ხელმძღვანელად რაჟდენ კუპრაშვილის კარიკატურული პერსონის დანიშვნის შემდეგ, საზოგადოება ვეღარ იღებს ინფორმაციას, როგორ მდიდრდებიან ივანიშვილის კარის მსახურები ქართველი ხალხის გაღარიბების და საქართველოს ბიუჯეტის დატაცების ხარჯზე.ჩვენ, „ძლიერი საქართველოს“ წევრები, მიუხედავად იმისა, რომ უარი გვაქვს ნათქვამი მანდატებზე ინდივიდუალური განცხადებებით და ჩახსნილი გვაქვს საპარლამენტო სია, რასაც დღემდე განზრახ არ აკმაყოფილებენ, ვიცავთ კანონს, ვიცავთ საქართველოს მოქალაქეების წინაშე პოლიტიკოსების მხრიდან ანგარიშვალდებულების პრინციპს და ვავსებთ დეკლარაციებს, რითაც, ხაზგასმით უნდა ითქვას, რომ ანგარიშს ვაბარებთ მხოლოდ ქართველ ხალხს, ჩვენს ამომრჩეველს. ეს არის დემოკრატიული საზოგადოების ზედამხედველობის და ჩართულობის ფუნდამენტური უფლებები, ვალდებულებები საზოგადოების წინაშე და არაფერი სხვა.აქვე კატეგორიულად მოვითხოვთ, რომ სასწრაფოდ გამოქვეყნდეს „ქართული ოცნების“ თვითაღიარებული და თვითგამოცხადებული სახელმწიფო მოხელებიის, თანამდებობის პირების, პოლიტიკოსების და ყველა იმ პირის დეკლარაციები, ვისაც კანონი ავალდებულებს დეკლარაციის შევსებას – შესაბამის პლატფორმაზე.დეკლარაციის შევსება პოლიტიკოსის მხრიდან არის ანგარიშვალდებულება საკუთარი ხალხის და მოქალაქეების წინაშე. დეკლარაციის დამალვა ან არ შევსება არის ტრანსფარენტულობის და გამჭვირვალობის, დემოკრატიის ერთ-ერთი მთავარი პრინციპის დარღვევა და შესაბამისად, დანაშაული.„ქართული ოცნება“ მალავს ან და საერთოდ არ ავსებს დეკლარაციებს, რათა მათ არ უნდათ, საზოგადოებამ დაინახოს მათი დანაშაულები, როგორ მდიდრდებიან ისინი ქართველი ხალხის ხარჯზე. ჩვენ, „ძლიერ საქართველოს“ დასამალი არაფერი გვაქვს, განსხვავებით კორუმპირებული „ქართულ ოცნებისგან“. ვისაც დასამალი არაფერი აქვს, ის საზოგადოებას თამამად აბარებს ანგარიშს.კიდევ ერთხელ ხაზგასმით ვამბობთ – ქონებრივი დეკლარაციის შევსების ვალდებულება ჩვენ მოვიხადეთ, არა ამ არალეგიტიმური პარლამენტის, ან რომელიმე სხვა არალეგიტიმური უწყების წინაშე, არამედ ქართველი ხალხის, ჩვენი ამომრჩევლისა და კანონის წინაშე“, – განაცხადა ირაკლი კუპრაძემ.