ცვლილება პირველკლასელებს შეეხებათ! - მნიშვნელოვანი ინფორმაცია მშობლებს

სკოლაში შესვლის მსურველთა ასაკი ბოლოჯერ შეიცვლება მომავალი სასწავლო წლისთვის.როგორც ზოგადი განათლების შესახებ კანონში წერია, 2025 წლის 1 იანვრიდან პირველ კლასში შესვლა იმ ბავშვებსაც შეეძლებათ, რომლებსაც 6 წელი სწავლის დაწყების თარიღიდან 31 დეკემბრის ჩათვლით შეუსრულდებათ. „ზოგადი განათლების დაწყებით საფეხურზე სწავლის დაწყების ასაკია 6 წელი, რომელიც პირს სასწავლო წლის დაწყების თარიღის ჩათვლით უსრულდება.ამასთანავე, პირს, რომელსაც 6 წელი სასწავლო წლის დაწყების თარიღის მომდევნო დღიდან 31 დეკემბრის ჩათვლით უსრულდება, უფლება აქვს, მშობლის გადაწყვეტილებით ნებაყოფლობით დაიწყოს სწავლა ზოგადი განათლების დაწყებით საფეხურზე“, - აღნიშნულია ბრძანებაში.