„ჩვენ ხშირად ვსაუბრობდით მდიდარ NGO-ებზე, მათი საქმიანობა არ ყოფილა მიმართული იმ კეთილი მიზნებისთვის, რაც სადამფუძნებლო დოკუმენტაციებში უწერიათ“ - დავით მათიკაშვილი

„ჩვენ ხშირად ვსაუბრობდით მდიდარ NGO-ებზე, რომლებიც ქვეყნის ფარგლებს გარედან ფინანსდებოდნენ ათწლეულების განმავლობაში - მათი საქმიანობა არ ყოფილა მიმართული იმ კეთილი მიზნებისთვის, რაც მათ ყველას თავიანთ სადამფუძნებლო დოკუმენტაციებში უწერიათ," - ეს განცხადება საპარლამენტო უმრავლესობის წევრმა, დავით მათიკაშვილმა გააკეთა.„ჩვენ ისიც გვახსოვს, რომ ამ NGO-ს წარმომადგენლები პარლამენტის წინ იდგნენ, თანამდებობებს ინაწილებდნენ იმ რაღაც ვირტუალურ ხელისუფლებაში, რომელიც მათ წარმოედგინათ; ისევე, როგორც სურვილი ჰქონდათ ბომბები ყოფილიყო თბილისის თავზე, ვიდრე საქართველოს ჰყოლოდა ლეგიტიმურად არჩეული ხელისუფლება. დღეს ყველაფერი გამოაშკარავდა - აშშ-დან ამ საკითხს წერტილი დაესვა და საგნებს სახელი დაერქვა, - ახლა ჯერია ევროპულ ფონდებზე“, - აცხადებს დავით მათიკაშვილი.