ჩვენ და ჩვენი გუნდი, „ქართული ოცნება“ ამომრჩევლის დასჯისგან და გასამართლებისგან დამერწმუნეთ, რომ ძალიან შორს ვართ - ირაკლი კირცხალია

ჩვენ და ჩვენი გუნდი „ქართული ოცნება“ ამომრჩევლის დასჯისგან და გასამართლებისგან დამერწმუნეთ, რომ ძალიან შორს ვართ, - განაცხადა ფრაქცია „ქართული ოცნების“ თავმჯდომარის მოადგილემ ირაკლი კირცხალიამ, საზოგადოებრივი მოძრაობა „ერთიანი ნეიტრალური საქართველოს“ განცხადების შეფასებისას, რომლის თანახმად, არჩევნების შემდეგ, „ნაციონალური მოძრაობის“ ანტიკონსტიტუციურად გამოცხადების პარალელურად, მათ ამომრჩევლებსაც უნდა დაეკისროთ პასუხისმგებლობა.„რაც შეეხება კოლექტიური ნაცმოძრაობის“ გასამართლების პროცესს, რომელიც ჩვენ დავაანონსეთ და იქნება საჯარო, მათი თითოეული ამომრჩეველი დაინახავს, თუ რა ძალასთან აქვს საქმე. ეს იქნება „ლელო“, „გახარია“, „ნაცმოძრაობა“ თუ „ახალი“, არ აქვს მნიშვნელობა „კოლექტიური ნაცმოძრაობის“ თითოეული დანაყოფი.ჩვენი მიზანია, რომ საზოგადოებას პირიქით ობიექტურად დავანახოთ რასთან აქვთ საქმე, როგორ ძალებთან აქვთ საქმე და რა წარსულის იყვნენ ეს ძალები“, - აღნიშნა კირცხალიამ.