უკრაინელთა წამყვანმა ფეხბურთელმა შეიძლება საქართველოსთან ვერ ითამაშოს

თავდამსხმელი არტიომ დოვბიკი შეიძლება უკრაინის ნაკრებს საქართველოსთან და ალბანეთთან ერთა ლიგის მატჩებში ვერ დაეხმაროს.
დღეს დოვბიკი ეროვნულ გუნდს ბელეკში შეკრებაზე შეუერთდა, მაგრამ მუხლის ტრავმა აქვს. “კორიერე დელო სპორტის” ცნობით, ის “რომას” ბოლო შეხვედრაში დაშავდა, სერიოზული არაფერი სჭირს, მაგრამ მისი თამაში მაინც საეჭვოა.
დოვბიკის მდგომარეობას ნაკრების სამედიცინო შტაბი შეამოწმებს და შემდეგ იქნება მიღებული გადაწყვეტილება – დარჩება თუ იტალიაში დაბრუნდება.