უზნეობაა, როცა უცხოელები თბილისში ჩამოდიან და ხალხს ისეთი ქმედებებისკენ მოუწოდებენ, რომ შეჯახება ისეთივე ბრუტალური იყოს, როგორიც უკრაინაში მოხდა - ვოსლკი

უზნეობაა, როცა უცხოელები თბილისში ჩამოდიან და ხალხს ისეთი ქმედებებისკენ მოუწოდებენ, რომ შეჯახება ისეთივე ბრუტალური იყოს, როგორიც უკრაინაში მოხდა, – ამის შესახებ პარლამენტის პირველმა ვიცე-სპიკერმა, გია ვოლსკიმ განაცხადა.ვოლსკი საქართველოში ჩამოსული ევროპარლამენტარების რუსთაველის გამზირზე აქციაზე მისვლას გამოეხმაურა.„მყარი მოკავშირეები არიან სააკაშვილის რეჟიმის და შემორჩენილი კოლექტიური „ნაცმოძრაობის“. ეს საკვირველი არ არის, მაგრამ უზნეობაა, როცა უცხოელები თბილისში ჩამოდიან და ხალხს ისეთი ქმედებებისკენ მოუწოდებენ, რომ ადამიანებმა ერთმანეთის სისხლი დაღვარონ, შეჯახება ისეთივე ბრუტალური იყოს, როგორიც უკრაინაში მოხდა, როცა ასეულობით ადამიანი იყო მოკლული და გადატრიალება მოიტანა. ერთმანეთისგან მნიშვნელოვნად განსხვავდება მაშინდელი უკრაინის და დღევანდელი საქართველოს პოლიტიკური სისტემა, მაგრამ სცენარი აბსოლუტურად ერთნაირია. ადამიანებიც ერთი და იგივე არიან, ეს არის უზნეობა და ქვეყნის წინაშე დანაშაული“, – განაცხადა გია ვოლსკიმ.