საპროცედურო საკითხთა კომიტეტმა მხარი დაუჭირა ირაკლი კობახიძისთვის, მაკა ბოჭორიშვილისთვის, ანრი ოხანაშვილისთვის, დავით სონღულაშვილისთვის და მარიამ ქვრივიშვილისთვის პარლამენტის წევრის უფლებამოსილების ვადამდე შეწყვეტის საკითხს

საპროცედურო საკითხთა და წესების საპარლამენტო კომიტეტმა დღეს გამართულ სხდომაზე მხარი დაუჭირა ირაკლი კობახიძისთვის, მაკა ბოჭორიშვილისთვის, ანრი ოხანაშვილისთვის, დავით სონღულაშვილისთვის და მარიამ ქვრივიშვილისთვის პარლამენტის წევრის უფლებამოსილების ვადამდე შეწყვეტის საკითხს.აღნიშნული საკითხი დღის წესრიგში მას შემდეგ დადგა, რაც ირაკლი კობახიძე პრემიერ-მინისტრად დაინიშნა, მაკა ბოჭორიშვილი საგარეო საქმეთა მინისტრად, ანრი ოხანაშვილი იუსტიციის მინისტრად, დავით სონღულაშვილი გარემოსა და სოფლის მეურნეობის მინისტრად, მარიამ ქვრივიშვილი კი - ეკონომიკისა და მდგრადი განვითარების მინისტრის მოადგილედ.