სალომე ასათიანი: წარმოუდგენელი ცინიზმია ამ აქციისთვის “რადიკალების აქციის” დარქმევა და “ორივე მხარის” ძალადობაზე ბოდვა

ბოდიშს კი ვიხდი ტრივიალური დეტალებისთვის, მაგრამ მე ზუსტად ამ დეტალებს მივყავარ ცრემლებამდე. არ მგონია ბევრგან იყოს შესაძლებელი დემონსტრაციის ეპიცენტრში, ღამით გახვიდე და წინდა იყიდო, ან გაპრანჭულ კაფეში დატენო ტელეფონი, ამის ნახევარი რაოდენობის ხალხშიც კი. რამე ზიანდება კიარა, იქვე მომუშავე ბიზნესი ხარობს. ეს კოლექტიური სხეული, რომელიც რუსთაველზე დგას, სამოქალაქო პროტესტის, ორგანიზების, სოლიდარობის და მშვიდობიანობის საოცარ სტანდარტს აჩვენებს. და ეს მაშინ, როცა სახელმწიფო ამ სხეულზე უწყვეტად და აწყვეტილად ძალადობს. წარმოუდგენელი ცინიზმია ამ აქციისთვის “რადიკალების აქციის” დარქმევა და “ორივე მხარის” ძალადობაზე ბოდვა, და მიზეზშედეგობრიობის თუ ძალის ასიმეტრიის არდანახვა – ვინ ძალადობს და ვინ ცდილობს თავი დაიცვას, როცა სხვა გზა აღარ რჩება.

ემოციურადაც უცნაური დღეებია.

უდიდესი შფოთვის პარალელურად უდიდეს, ეიფორიულ სიყვარულს და სიამაყეს ვგრძნობ. და მჯერა, რომ ეს სამოქალაქო ცნობიერება და სოლიდარობა ბოლოს აუცილებლად გადაგვარჩენს,” – წერს სალომე ასათიანი.