საარჩევნო პროცესი ძირითადად მშვიდ ვითარებაში მიმდინარეობს, აქტივობა მაღალია, რაიმე შეფერხება ხმის მიცემის პროცესში არ ფიქსირდება - ირაკლი ქადაგიშვილი

საარჩევნო პროცესი ძირითადად მშვიდ ვითარებაში მიმდინარეობს, აქტივობა მაღალია, რაიმე შეფერხება ხმის მიცემის პროცესში არ ფიქსირდება, - განაცხადა საპროცედურო საკითხთა და წესების კომიტეტის თავმჯდომარემ ირაკლი ქადაგიშვილმა.„არის ხოლმე გარკვეული პროვოკაციები, როდესაც ცდილობენ, რომ უბანზე ან უბნის გარეთ ვითომდა ზედმეტი ინტერესის გამოჩენით გარკვეული დაძაბულობა შეიტანონ, როგორც საარჩევნო უბანზე, ისე უბნის გარეთ. ეს მხოლოდ ერთეული ინციდენტია, რაც აბსოლუტურად არ ახდენს გავლენას ხმის მიცემის პროცესზე“, - აღნიშნა ირაკლი ქადაგიშვილმა.