როცა ადამიანს თავისი ემოციები და დამოკიდებულება აქვს, ამაზე კომენტარის გაკეთება არ მგონია სწორი იყოს - ირაკლი ფავლენიშვილი ზურაბ ჯაფარიძის განცხადებაზე

მმართველ გუნდში აცხადებენ, რომ ზურაბ ჯაფარიძის ფეისბუქპოსტი მუქარის ნიშნებს შეიცავს. საპირისპიროს ამტკიცებენ ოპოზიციაში."ერთიანობა - ნაციონალური მოძრაობის" წევრის, გიორგი ბუტიკაშვილის განცხადებით, ზურაბ ჯაფარიძის პოსტში მუქარას ვერ ხედავს."არ ვხედავ მუქარას, მუქარას ვხედავ ერთადერთში, რასაც გველაპარაკება კობახიძე, პაპუაშვილი და ა.შ. ადამიანები, ვინც ძალადობენ ხალხზე", - გიორგი ბუტიკაშვილმა."ერთიანობა- ნაციონალური მოძრაობის" გენერალური მდივნის მოადგილის, ირაკლი ფავლენიშვილის განცხადებით, ადამიანების ფეისბუქპოსტებზე კომენტარის გაკეთება სწორად არ მიაჩნია."ადამიანების პოლიტიკური სტატუსები იქნება, თუ ა.შ. განხილვა არ მიმაჩნია სწორად. გვაქვს პოლიტიკური დღის წესრიგი, რასაც ვახმოვანებთ-ხოლმე. თუ არის პოლიტიკური საკითხები ამაზე, რა თქმა უნდა, ვაკეთებთ კომენტარს, მაგრამ, როცა ადამიანს თავისი ემოციები და დამოკიდებულება აქვს, ამაზე კომენტარის გაკეთება არ მგონია სწორი იყოს", - განაცხადა ირაკლი ფავლენიშვილმა.ცნობისთვის, ზურაბ ჯაფარიძემ სოციალურ ქსელში დაწერა, რომ ვერავინ დაიმალება და არავის სიჩუმე დაავიწყდება.