როდესაც ეკონომიკური პროცესები გახდება უმართავი, ყველა ადამიანი მიდის და ჯდება მოლაპარაკების მაგიდასთან, რომ გამოსავლის პირობები იყოს მისთვისაც საინტერესო - გიორგი გახარია - გიორგი გახარია

გიორგი გახარია, რომელიც რამდენიმე დღის წინ, ოპოზიციის გეგმის პირველი ფაზის ტრამპის ინაუგურაციამდე დასრულების აუცილებლობაზე აკეთებდა აქცენტს, ახლა ეკონომიკური კრიზისის შექმნაზე საუბრობს.რას გულისმობს გეგმა - გახარიამ განმარტებები ერთ-ერთ სატელევიზიო ეთერში გააკეთა. მისი თქმით, მეორე ფაზა არის ეკონომიკური კრიზისი, უმართავი პროცესები ამ სფეროში, რამაც უნდა აიძულოს ხელისუფლება დათმობაზე წავიდეს."როდესაც მეორე ფაზა კრიზისის დაიწყება და ეს იქნება უკვე ეკონომიკური იზოლაცია, როდესაც ეკონომიკური პროცესები უკვე გახდება დე ფაქტო ხელისუფლებისთვის უმართავი, რა თქმა უნდა, ყველა ადამიანი საბოლოო ჯამში მიდის და ჯდება მოლაპარაკების მაგიდასთან იმისთვის, რომ გამოსავლის პირობები იყოს მისთვისაც საინტერესო", - აცხადებს პარტიის "გახარია საქართველოსთვის" თავმჯდომარე გიორგი გახარია.