რიმა ბერაძე: რუსული იარლიყის მიკერება „დიფ სთეითის“ აპრობირებული რიტორიკაა, ჩვენ ვაკეთებთ ქართულ საქმეს, ვასრულებთ მოსახლეობის დაკვეთას

რუსული იარლიყის მიკერება, ზოგადად, „დიფ სთეითის“ აპრობირებული რიტორიკაა. 2012 წლის შემდეგ ჩვენ ვაკეთებთ ქართულ საქმეს და არავითარ შემთხვევაში რუსულ საქმეს, - განაცხადა ფრაქცია „ქართული ოცნების“ თავმჯდომარე რიმა ბერაძემ.მისი თქმით, „ქართული ოცნება“ მოსახლეობის დაკვეთას ასრულებს.„რაც შეეხება „დიფ სთეითის“ გავლენებს, ჩვენს ქვეყანაში ეს ყველაფერი გააქტიურებულია 2022 წლის შემდეგ, როცა ჩვენ არ ჩავერთეთ ომში. ის არასამთავრობო ორგანიზაციები, რომლებიც ფინანსდებიან გარე ძალების მიერ, წინააღმდეგი არიან, რომ ქვეყანაში იყოს სტაბილურობა, წესრიგი, ეკონომიკური განვითარება“, - აღნიშნავს ბერაძე.