რატი ამაღლობელი – მოდი და თავად ეს მომავალი რჩეული ფერით გააფერადე

1 თვე წინ 81

26 ოქტომბრის სიმღერა

თითქოს რკინას წვრთნი, ფოლადს ფერავდე –

ეს ხმა აღიძრა, მოდის შენამდე,

ამბობს – სიშავე და სინაცრისფრე

მოდი და ხელით გააფერადე,

რომ მომავალზე გულით შენ ამდენს

აღარ შფოთავდე, თრთოდე, ღელავდე –

მოდი და თავად ეს მომავალი

რჩეული ფერით გააფერადე.

ხმა ხმას შეეწყოს ყველა ბგერამდე,

გამრავლდეს, გახდეს მჟღერად-მღერადი,

შენი ხმა მიე მრავალჟამიერს

და საქართველო გააფერადე.