რადიკალური ოპოზიციის აქციაზე მიხაილ როთი ევროკავშირის საპარლამენტო დელეგაციის სხვა წევრებთან ერთად მივიდა

პარლამენტის შენობის წინ რადიკალური ოპოზიციის მიერ მოწყობილ აქციაზე გერმანელი დეპუტატი მიხაილ როთი მივიდა.მან შეკრებილ საზოგადოებას სცენიდან მიმართა. აქციაზე მასთან ერთად მივიდნენ ევროკავშირის საპარლამენტო დელეგაციის სხვა წევრებიც.ევროკავშირის 8 ქვეყნის საგარეო ურთიერთობათა და თავდაცვის კომიტეტების თავმჯდომარეების დელეგაცია თბილისში იმყოფება. დელეგაცია შეხვდა სალომე ზურაბიშვილს, შეხვედრა გაიმართა ოპოზიციასთანაც. ოპოზიციის თქმით, შეხვედრაზე ისაუბრეს საერთაშორისო გამოძიების აუცილებლობაზე და უვიზო მიმოსვლის დროებით შეჩერების მექანიზმებზე.