,,პრემიერ-მინისტრისგან მოველით ანგარიშს, თუ რა მიმართულებებით ვითარდება საქართველო და სად არის ის პრობლემები, რომელიც დასაძლევია" - გიორგი ვოლსკი

,,ჩვენ მოველით პრემიერ-მინისტრისგან ანგარიშს, თუ რა მიმართულებებით ვითარდება საქართველო, სად არის ის პრობლემები, რომელიც არის დასაძლევი და, რასაკვირველია, საქართველოს სამშვიდობოზე გაყვანა არის მთავარი თემა დღეს, რომელიც აღელვებს მმართველ გუნდს," - ამის შესახებ პარლამენტის პირველმა ვიცე-სპიკერმა, გიორგი ვოლსკიმ განაცხადა, რითაც პრემიერ-მინისტრ, ირაკლი კობახიძის ანგარიშს გამოეხმაურა."დარწმუნებული ვარ, რომ საზოგადოებისთვის საგანგებოდ მნიშვნელოვანია შენარჩუნება იმ ვითარების, რომელიც საქართველოში არსებობს. ის უშველებელი ძალისხმევა, რომელიც ამისთვის იხარჯება მთავრობის მიერ, სწორედ ის თემა იქნება, რომელზეც ისაუბრებს პრემიერ-მინისტრი," - აღნიშნა გიორგი ვოლსკიმ.ცნობისთვის, დღეს პარლამენტის საგაზაფხულო სესია დაიხურება - ბოლო პლენარულ სხდომაზე მოხსენებას პრემიერ-მინისტრი, ირაკლი კობახიძე წარადგენს - მთავრობის მეთაური სამთავრობო პროგრამის შესრულებაზე ისაუბრებს.შეგახსენებთ, პრემიერის ყოველწლიური მოხსენება, წერილობითი ფორმით, პარლამენტს ივნისის დასაწყისში გადაეგზავნა.რომელშიც საუბარია ისეთ საკითხებზე, როგორიცაა: დემოკრატიული და ეკონომიკური განვითარება, სოციალური პოლიტიკა და ადამიანური კაპიტალის განვითარება, თავდაცვა და საგარეო პოლიტიკა.ირაკლი კობახიძის მოხსენებით გამოსვლის შემდეგ, პლენარული სხდომა კითხვა-პასუხის რეჟიმში გაგრძელდება.