„მისო ინტელექსპრესი“ 121,100 ლარით დააჯარიმდა

მიკროსაფინანსო ორგანიზაცია, სს „მისო ინტელექსპრესი“ საქართველოს ეროვნულმა ბანკმა და საქართველოს ფინანსური მონიტორინგის სამსახურმა ჯამში 121,100 ლარით დააჯარიმეს.
სააქციო საზოგადოების აქციონერთა კრების შემადგენლობა ასეთია: თავმჯდომარე/წევრი: გიორგი სურგულაძე, თავმჯდომარის მოადგილე/წევრი: ქეთევან ქართველიშვილი, წევრი: თეიმურაზი კუცია. გენერალური დირექტორი კი დავით თავართქილაძეა.
მარეგულირებლის განმარტებით, კომპანიის მიერ რეგულაციების დარღვევის რამდენიმე შემთხვევა დაფიქსირდა. კონკრეტულად:
· 8,000 ლარი – ეროვნული ბანკისთვის შემოწმების პერიოდში მოთხოვნილი ინფორმაციის/დოკუმენტაციის არასწორად წარდგენის 4 შემთხვევაზე;
· 100 ლარი – ფინანსური მონიტორინგის სამსახურისთვის ანგარიშგების დაგვიანებით წარდგენისთვის;
· 36,000 ლარი – მონიტორინგს დაქვემდებარებული ოპერაციების/გარიგებების შესახებ ინფორმაციის წარუდგენლობის 18 შემთხვევისთვის;
· 4,000 ლარი – არასწორი ინფორმაციის წარდგენის 4 შემთხვევისთვის;
· 15,000 ლარი – 5 კლიენტთან დაკავშირებით თანხის წარმომავლობის შესაბამისი შესწავლის არგანხორციელებისთვის;
· 18,000 ლარი – 9 კლიენტთან მიმართებით საქმიანობის მიზნისა და ხასიათის დასადგენად პრევენციული ზომების არგადადგმისთვის;
· 4,000 ლარი – კიდევ 4 შემთხვევისთვის, სადაც კომპანიამ არასწორი ინფორმაცია წარადგინა ზედამხედველობის ანგარიშგების ფორმებში.