მაკა ბოჭორიშვილი მონტენეგროს დიასპორის მინისტრს შეხვდა

საქართველოს საგარეო საქმეთა მინისტრი, მონტენეგროს დიასპორის მინისტრს, მირსად აზემოვიჩს შეხვდა.მხარეებმა დიასპორასთან დაკავშირებულ სახელმწიფო პოლიტიკის მიზნებზე ისაუბრეს.საგარეო საქმეთა სამინისტროს ინფორმაციით, შეხვედრაზე ხაზი გაესვა, რომ საქართველოს ხელისუფლების ერთ-ერთი უმთავრესი პრიორიტეტია დიასპორა მაქსიმალურად ჩაერთოს ქვეყნის განვითარების პროცესში.მინისტრებმა ასევე ისაუბრეს იმ სახელმწიფო პროგრამებზე, რომელთა მიზანი დიასპორის გაძლიერებაა.