მათი მხრიდან კრიტიკულ მომენტში საქართველოს ხელისუფლებისთვის აზრის გაზიარება, არათუ დასაშვები, ძალიან სასურველია - გიორგი ბარამიძე პარტნიორებზე

საგამოძიებო კომისიაზე გიორგი გახარიას გამოკითხვასთან დაკავშირებით შეფასებები გაკეთდა ოპოზიციაში."ნაციონალურ მოძრაობაში" ფიქრობენ, რომ პარტნიორების მხრიდან, მათ შორის ამერიკის შეერთებული შტატები და მისი საელჩოს მხრიდან, ყოველთვის სასურველია რჩევების გაზიარება."მათი მხრიდან კრიტიკულ მომენტში საქართველოს ხელისუფლებისთვის აზრის გაზიარება, არა თუ დასაშვები, ძალიან სასურველია. ყოველთვის ასე იყო, როდესაც მეტ-ნაკლებად ნორმალურად მაინც ვითარდებოდა საქართველო და ყოველთვის იქნება", - აცხადებს "ერთიანობა - ნაციონალური მოძრაობის" პოლიტიკური მდივანი, გიორგი ბარამიძე.