მაგნიტსკის სიის ავტორი ამბობდა, რომ მიხეილ სააკაშვილს აწამებდნენ ციხეში, ახლა თქვენ განსაჯეთ, ამხელა ტყუილის ავტორის სიტყვას რაიმე ფასი აქვს? - შალვა პაპუაშვილი

თქვენ იცით ვინ არის მაგნიტსკის სიის ავტორი. ეს ადამიანი ამბობდა, რომ მიხეილ სააკაშვილს აწამებდნენ ციხეში, საწამლავი მისცეს. ეს ადამიანი, რომ იჯდა აშშ-ის სენატში მაშინაც ითხოვდა, მაგნიტსკის სიაში ქართველების შეყვანას იმის გამო, რომ ციხეში „სააკაშვილის წამება ხდებოდა“, - განაცხადა პარლამენტის თავმჯდომარე შალვა პაპუაშვილმა „მაგნიტსკის აქტის" შესახებ დასმული კითხვის საპასუხოდ.მისი თქმით, ამხელა ტყუილის ავტორის სიტყვას ფასი არ აქვს.„ატყუებდა სენატს ამერიკელ ხალხს, საერთაშორისო საზოგადოებას და ქართველებს. ამ ტყუილს იმეორებდა ბევრი სხვა უცხოელიც. ეს ევროპარლამენტის რეზოლუციაშიც ჩაწერეს. მიხეილ სააკაშვილის წამება დაგვაბრალა პრეზიდენტმა ზელენსკიმ, მოლდოვის პრეზიდენტმა სანდუმ. სტრასბურგის სასამართლო გამოვიდა და თქვა, რომ ეს ყველაფერი არის ტყუილი, რომ ზელენსკი იტყუება, რომ სანდუ იტყუება, რომ მაგნიტსკის ავტორი იტყუება, რომ ევროპარლამენტი იტყუება. ახლა თქვენ განსაჯეთ, ამხელა ტყუილის ავტორის სიტყვას რაიმე ფასი აქვს? მეორე საკითხია, რა არის ამ ადამიანის მოტივაცია. საქართველოს ხელისუფლების წინააღმდეგ წასვა ნიშნავს ქართველი ხალხის წინააღმდეგ წასვლას, ხელისუფლებაზე ზეწოლა ნიშნავს ქართველ ხალხზე ზეწოლა, ვინაიდან ხელისუფლება არჩეული ქართველი ხალხის მიერ. მეორე ფაქტი რაც ვიცით არის ის, რომ მიხეილ სააკაშვილი არის დადასტურებულად უცო ქვეყნის სპეცსამსახურების მიერ საქართველოში შემოგზავნილი ადამიანი. 2021 წელს უკრაინის სამხედრო დაზვერვამ განახორციელა ოპერაცია საქართველოს წინააღმდეგ, რომლის შინაარსი იყო რომ სააკაშვილი არჩევნების დღისთვის შემოეპარებინათ და მას მოეწყო საქართველოში არეულობა და ხელისუფლების ძალადობრივად მიტაცება. ეს ადამიანი უნდა დარჩეს ისტორიაში, როგორც ადამიანი, რომელიც უცხო ქვეყნის სპეცსამსახურებმა შემოაპარეს საქართველოში და ამის შემდეგ რაც ხდება არის მეორე სპეცოპერაცია, რომ რამენაირად დაიხსნან სასჯელისგან, რომელიც ის იხდის ციხეში“, - განაცხადა პაპუაშვილმა.