ლევან ნიკოლეიშვილი: ამ კადრების მნახველი, როდესაც ისევ იტყვის რომ მშვიდობიანი აქციაა, ჩემთვის პირადად გათახსირებული ადამიანია, გინდა პრეზიდენტი ერქვას, გინდა პოლიტიკოსი - გამოფხიზლდით, თქვენს თვალწინ ხდება პოლიციელის ცოცხლად დაწვის მცდელობა

“ამ კადრების მნახველი, როდესაც ისევ იტყვის რომ მშვიდობიანი აქციაა, ჩემთვის პირადად გათახსირებული ადამიანია, გინდა პრეზიდენტი ერქვას, გინდა პოლიტიკოსი თუ ჟურნალისტი და გინდაც ძალიან კარგი ნაცნობი თუ სრულიად უცნობი ადამიანი,- ასე ეხმიანება „ერთიანი ნეიტრალური საქართველოს“ ერთ-ერთი დამფუძნებელი ლევან ნიკოლეიშვილი, სოციალურ ქსელში გავრცელებულ კადრებს, სადაც ცდილობენ აქტივისტები ე.წ. "მოლოტოვის კოქტეილით" წყლის ჭავლის მანქანის დაწვას.მისივე თქმით, თუ მათ ჰგონიათ, რომ მხოლოდ სისხლის სამართლის პასუხისმგებლობით გამოძვრებიან, ძალიან ცდებიან და მათ ხალხის მორალური სასამართლო გაასამართლებს.“ამ კადრების მნახველი, როდესაც ისევ იტყვის რომ მშვიდობიანი აქციაა, ჩემთვის პირადად გათახსირებული ადამიანია, გინდა პრეზიდენტი ერქვას, გინდა პოლიტიკოსი თუ ჟურნალისტი და გინდაც ძალიან კარგი ნაცნობი თუ სრულიად უცნობი ადამიანი. გამოფხიზლდით, თქვენს თვალწინ ხდება პოლიციელის ცოცხლად დაწვის მცდელობა, წარმოიდგინეთ, რომ ის პოლიციელი თქვენი შვილი, მეუღლე ან მამა რომ იყოს! თუ წარმოდგენა არ შეგიძლიათ, პირიქით მოლოტოვის კოქტეილის მსროლელს ამართლებთ, და გმირად მიგაჩნიათ ასეთი ველურები, მაშინ მიმიფურთხებია თქვენი ადამიანობისთვის, თქვენი საპრეზიდენტო, საპარლამენტო სკამებისათვის, თქვენ თუ გგონიათ რომ მარტო სისხლის სამართლის პასუხისმგებლობით გამოძვრებით, ძალიან სცდებით თქვენ ხალხის მორალური სასამართლო ჯერ არ გინახავთ,”- წერს ლევან ნიკოლეიშვილი.