კულტურის სამინისტროს მხარდაჭერით გამოჩენილი მხატვრის, ირაკლი გამრეკელის 130 წლის იუბილესადმი მიძღვნილი წიგნ-ალბომი და კრებული გამოიცა

კულტურის სამინისტროს მხარდაჭერით გამოჩენილი მხატვრის, ირაკლი გამრეკელის 130 წლის იუბილესადმი მიძღვნილი წიგნ-ალბომი და კრებული გამოიცა. ინფორმაციას კულტურის სამინისტრო ავრცელებს.„რუსთაველის ეროვნულ თეატრში გაიმართა პრეზენტაცია კულტურის სამინისტროს მხარდაჭერით გამოცემული საიუბილეო წიგნ-ალბომისა „ირაკლი გამრეკელი“ და მხატვრის შემოქმედებისადმი მიძღვნილი ნაშრომებისა და პუბლიკაციების კრებულისა „ირაკლი გამრეკელი. კრებული“.პრეზენტაციაზე გამოიფინა ირაკლი გამრეკელის ის ნამუშევრები, რომლებიც რუსთაველის ეროვნული თეატრის მუზეუმშია დაცული.გამოჩენილი მხატვრის, ქართული სცენოგრაფიის ერთ-ერთი ფუძემდებლის, ირაკლი გამრეკელის, 130 წლის იუბილესადმი მიძღვნილი წიგნ-ალბომისა და კრებულის მიზანია პროფესიული წრეებისა და ფართო საზოგადოებისთვის მისი შემოქმედებითი მემკვიდრეობის გაცნობა.საიუბილეო წიგნ-ალბომისა და კრებულის გამოცემის იდეისა და კონცეფციის ავტორია ხელოვნებათმცოდნეობის დოქტორი ხათუნა კიკვაძე, ფოტოგრაფია ირინე აბჟანდაძე, დიზაინერი - ოლღა პირადოვა, მთარგმნელი - ხელოვნებათმცოდნე ვიქტორია პირადოვა, რედაქტორი - ანანო მირიანაშვილი. კრებული გამოსაცემად მოამზადეს ქეთა მამესწარაშვილმა და ქრისტინე შუკვანმა. წიგნები დაბეჭდა შპს „სეზან ფაბლიშინგმა“, - აღნიშნულია ინფორმაციაში.