კავკასიის უნივერსიტეტი სამწუხარო ინფორმაციას ავრცელებს

კავკასიის უნივერსიტეტი სამწუხარო ინფორმაციას ავრცელებს:„კავკასიის უნივერსიტეტი ღრმა მწუხარებას გამოთქვამს CU-ის თანადამფუძნებლისა და სასწავლო დარგში ვიცე-პრეზიდენტის, დამსახურებული პროფესორისა და მათემატიკის კათედრის ხელმძღვანელის, ღირსების ორდენის კავალერის, ნუგზარ სხირტლაძის გარდაცვალების გამო.ვუსამძიმრებთ მისი ოჯახის წევრებს, ახლობლებს, კოლეგებს, ბატონი ნუგზარი არა მხოლოდ საოცარი პროფესიონალი, არამედ ღირსეული ადამიანიც იყო. ის დააკლდება თითოეულ ჩვენგანს, მთელს საუნივერსიტეტო საზოგადოებას.ნუგზარ სხირტლაძე იყო 80-ზე მეტი შრომის ავტორი ან თანაავტორი. მათ შორის, ორი მონოგრაფია, 8 სახელმძღვანელო და ორი დამხმარე სახელმძღვანელო.კავკასიის უნივერსიტეტი დიდად აფასებს უნივერსიტეტის მშენებლობასა და განვითარებაში ბატონი ნუგზარის ღვაწლსა და ამაგს“, - ნათქვამია სამძიმრის წერილში.