იუსტიციის სამინისტროს სახელმწიფო სერვისების განვითარების სააგენტოს თავმჯდომარედ რუსუდან კოხოძე დაინიშნა

რუსუდან კოხოძე პროფესიით სამართალმცოდნეა. მას აქვს სამართლისა და ადამიანის უფლებების მიმართულებით საჯარო სამსახურში, ასევე, საერთაშორისო ორგანიზაციებში საქმიანობის მრავალწლიანი გამოცდილება.რუსუდან კოხოძეს სახელმწიფო სერვისების განვითარების სააგენტოს თავმჯდომარედ დანიშვნამდე სახელმწიფო ზრუნვისა და ტრეფიკინგის მსხვერპლთა, დაზარალებულთა დახმარების სააგენტოს დირექტორის თანამდებობა ეკავა.