„ის, რომ გახარიას პარტიას აქვს სურვილი საქართველოს პარლამენტს შემოუერთდეს, დღეს კიდევ კიდევ ერთხელ შავით თეთრზე დადასტურდა“ - მაია ბითაძე

"გიორგი გახარიას კომისიის სხდომაზე მოსვლა პირდაპირი მანიშნებელია იმისა, რომ პოლიტიკური პარტიის ლიდერი, რომელიც იღებს სახელმწიფო ბიუჯეტისგან დაფინანსებას, რომელმაც არ მიმართა პარლამენტს მანდატების შეწყვეტაზე და დღეს უკვე გამოცხადდა საგამოძიებო კომისიაზე, ეს 100%-იან აღიარებას გულისხმობს საქართველოს პარლამენტისა", - ამის შესახებ პარლამენტის გარემოს დაცვისა და ბუნებრივი რესურსების კომიტეტის თავმჯდომარე მაია ბითაძე "ღამის კურიერის" ეთერში აცხადებს.მაია ბითაძის განცხადებით, გახარიას საგამოძიებო კომისიაზე მისვლამ აჩვენა რამდენად არასწორი გადაწყვეტილება მიიღო ყოფილმა პრემიერ-მინისტრმა, როდესაც ის თანამდებობიდან გადადგა."თუ პოლიტიკურ მდგენელს შევხედავთ და როგორია ჩვენი ხედვა მისი [გიორგი გახარიას] კომისიის სხდომაზე მოსვლასთან დაკავშირებით, ეს ბუნებრივია პირდაპირი მანიშნებელია იმისა, რომ პოლიტიკური პარტიის ლიდერი, რომელიც იღებს სახელმწიფო ბიუჯეტისგან დაფინანსებას, რომელმაც არ მიმართა პარლამენტს მანდატების შეწყვეტაზე და დღეს უკვე გამოცხადდა საგამოძიებო კომისიაზე, ეს ბუნებრივია უკვე 100%-იან აღიარებას გულისხმობს საქართველოს პარლამენტისა. აქ არ აქვს მნიშვნელობა აღიარებს, ან სწამს თუ არა ამისი, აქ მთავარი არის, რომ ჩვენ კარგად ვიცით ლეგიტიმაცია ქართველი ხალხისგან, რასაც არ სჭირდება არავის დასტური, არც ქვეყნის შიგნით და არც გარეთ. თუმცა ის, რომ გახარიას პარტიას აქვს სურვილი, რომ საქართველოს პარლამენტს შემოუერთდეს, ეს დღეს კიდევ კიდევ ერთხელ შავით თეთრზე დადასტურდა.არსებითი მნიშვნელობა ჰქონდა იმას, რაც ჩვენ დღეს მოვისმინეთ - ჩვენ მოვისმინეთ სხვადასხვა საკითხებზე მისი შეფასება, რომელიც აჩვენებს იმას, თუ რაოდენ არასწორად იყო, მათ შორის, 20 ივნისის პროცესი მართული, რაოდენ არასწორი გადაწყვეტილება მიიღო ყოფილმა პრემიერ-მინისტრმა, როდესაც ის გადადგა და გუნდში ეს ღალატად იქნა აღქმული და საბოლოო ჯამში გამოიკვეთა, რომ ეს ღალატი იყო არა გუნდის, არამედ ირიბად საქართველოს ღალატი. პრაქტიკულად ასე იკვეთებოდა, რომ მისი ამ გადადგომის შემდგომ უფრო გააქტიურდა კიდევაც და ესკალაცია დაიწყო უფრო პროცესების", - აცხადებს მაია ბითაძე.