ირაკლი კირცხალია „ენჯეოების“ საბოტაჟზე: ყველა თანხა, რომელიც მობილიზდებოდა, ხმარდებოდა დესტრუქციასა და გადატრიალების მცდელობას - ესენი იყვნენ ერთ-ერთი ჭანჭიკი დიდ სქემაში

ყველა თანხა, რომელიც მობილიზდებოდა, ხმარდებოდა დესტრუქციასა და გადატრიალების მცდელობას, - განაცხადა საპარლამენტო ფრაქცია „ქართული ოცნების“ თავმჯდომარის პირველმა მოადგილემ, ირაკლი კირცხალიამ მდიდარი არასამთავრობოების მხრიდან სახელმწიფოს საბოტაჟის თემაზე საუბრისას.„ყველა თანხა, რომელიც მობილიზდებოდა ფონდში, ხმარდებოდა იმ დესტრუქციასა და გადატრიალების მცდელობას - ესენი იყვნენ ერთ-ერთი ჭანჭიკი იმ დიდ სქემაში, რომელიც გამჟღავნდა მსოფლიოში, არა მხოლოდ ჩვენს ქვეყნაში და ეხმარებოდა რა თქმა უნდა, ჯარიმის გადახდას, პიროტექნიკის შეძენას, არ გამოვრიცხავ, ხელფასების გადახდას და ასე შემდეგ - შეცდომაში შეყვანილი იმ ახალგაზრდებისა და იმ პარტაქტივის, რომელთაც შემდეგ თვითონ ესენი თავიანთ ჯარისკაცებს ეძახდნენ“, - განაცხადა კირცხალიამ.მდიდარი არასამთავრობოები სახელმწიფოს საბოტაჟის სამსახურში - როგორც ცნობილია, გავლენიანი „ენჯეოები“ აქციების მონაწილეებს აირწინაღებით, წიწაკის სპრეით და სხვა მასალებით შემდგომი ძალადობრივი ქმედებებისთვის ამარაგებდნენ.