იოანე ზოსიმეს უნიკალური ხელნაწერი უდიდესი საგანძურია ჩვენი ქვეყნისთვის, ბიძინა ივანიშვილის ქველმოქმედება ყოველთვის მიმართული იყო ჩვენი ქვეყნის ეროვნული იდენტობის დაცვისა და შენარჩუნებისკენ და ქველმოქმედების ეს აქტიც ზუსტად ამის გამოხატულებაა - პრემიერი

დღეს გვქონდა იოანე ზოსიმეს ხელნაწერთან მიახლოების საშუალება და, მართლაც, ძალიან ემოციური იყო ეს ჩემთვის, - ამის შესახებ საქართველოს პრემიერ-მინისტრმა ირაკლი კობახიძემ გადაცემა "იმედი LIVE"-ში განაცხადა.როგორც მთავრობის მეთაურმა აღნიშნა, იოანე ზოსიმეს ხელნაწერი უდიდესი საგანძურია, რომელიც ბიძინა ივანიშვილმა შეიძინა ქვეყნისთვის და მისი ქველმოქმედება ყოველთვის მიმართულია ქვეყნის ეროვნული იდენტობის დაცვისა და შენარჩუნებისკენ.„დღეს გვქონდა იოანე ზოსიმეს ხელნაწერთან მიახლოების საშუალება და, მართლაც, ძალიან ემოციური იყო ეს ჩემთვის. ეს არის უნიკალური ხელნაწერი, პალიმფსესტი, რომელიც ჩამოვიდა საქართველოში და ეს გახლავთ უდიდესი საგანძური ჩვენი ქვეყნისთვის, რომელსაც, რა თქმა უნდა, ძალიან უნდა მოვუფრთხილდეთ. მადლობა უნდა გადავუხადო ბატონ ბიძინა ივანიშვილს, რომელმაც შეიძინა ეს საგანძური ჩვენი ქვეყნისთვის და გადასცა ქვეყანას ეს უნიკალური ხელნაწერი. ბატონი ბიძინა ივანიშვილის ქველმოქმედება ყოველთვის იყო ყველაზე მეტად მიმართული ჩვენი ქვეყნის ეროვნული იდენტობის დაცვასა და შენარჩუნებაზე და ქველმოქმედების ეს აქტიც არის ზუსტად ამის გამოხატულება - მან შეიძინა ქვეყნისთვის ის უნიკალური ხელნაწერი, რომელიც ჩვენი იდენტობის განუყოფელი ნაწილია და კიდევ ერთხელ მადლობა ბატონ ბიძინა ივანიშვილს ამ უნიკალური საჩუქრისთვის,“- განაცხადა პრემიერმა.