ინდოეთის აეროპორტებმა ბიომეტრიის დანერგვა დაიწყეს

SITA-მ და ინდოეთის აეროპორტების ადმინისტრაციამ გამოაცხადეს თანამშრომლობა, რომელიც ითვალისწინებს ბიომეტრიული ტექნოლოგიის SmartPath-ის ამოქმედებას ინდოეთის ცხრა აეროპორტში.
ეს ნაბიჯი იქნება ინდოეთის სამოქალაქო ავიაციის სამინისტროს პროექტის DigiYatra-ს ინიციატივის ნაწილი, რომელიც მიზნად ისახავს საჰაერო მოგზაურობის გაციფრულებას. იგი გულისხმობს SITA უკონტაქტო ბიომეტრიული სისტემების დანერგვას.
იდეა მდგომარეობს იმაში, რომ მგზავრებს მიაწოდოს ქაღალდის გარეშე და მოსახერხებელი მოგზაურობის გამოცდილება სახის ამოცნობის ტექნოლოგიის ინტეგრირებით, რიგებისა და ლოდინის დროის შემცირებით და აეროპორტების საერთო ეფექტურობის გაუმჯობესებით.
ისეთმა ქვეყნებმა, როგორიცაა აშშ, დიდი ბრიტანეთი, ინდოეთი და არაბეთის გაერთიანებული საამიროები უკვე დანერგეს სახის ამოცნობისა და თითის ანაბეჭდის სკანირებით რეგისტრაციის გავლის სერვისები.
„ციფრულ სერვისებზე ფოკუსირებით და ჭკვიანი, მოქნილი გადაწყვეტილებებით აეროპორტის ეფექტურობის გაუმჯობესებით, ინდოეთს აქვს უნიკალური შესაძლებლობა მსოფლიო დონის ინფრასტრუქტურის შექმნით თავის აეროპორტებში ჭეშმარიტად მოახდინოს რევოლუცია“, – თქვა სუმეშ პატელმა, SITA-ს პრეზიდენტმა.
2023 წელს 20 მილიონზე მეტმა მგზავრმა გამოიყენა DigiYatra-ს აპი. მოსალოდნელია, რომ სერვისი მოიცავს ინდოეთის 28 აეროპორტს, რომელიც მოიცავს შიდა საჰაერო მგზავრების 90%-ს.
SITA-ს თანამშრომლობა ინდოეთთან არის 2023 წლის ივლისში გამოცხადებული შეთანხმების ნაწილი, რომელიც ითვალისწინებს მოწინავე ტექნოლოგიების განთავსებას ქვეყნის 43 მთავარ აეროპორტში, რომელიც წარმოადგენს მგზავრთა 2700-ზე მეტ შეხების წერტილს.
ავიანიუსი