იანვარში რუსეთიდან ფულადი გზავნილები 62%-ით შემცირდა

საქართველოს ეროვნული ბანკის მონაცემებით, 2025 წლის იანვარში რუსეთიდან საქართველოში ფულადი გზავნილები გასული წლის ანალოგიურ პერიოდთან შედარებით 62.41%-ით შემცირდა და 25.47 მლნ აშშ დოლარი შეადგინა. შემცირების მიუხედავად, რუსეთი კვლავ რჩება სიის ერთ-ერთ წამყვან ქვეყნად.

რუსეთიდან ფულადი გზავნილების შემცირების ერთ-ერთი მიზეზი საქართველოდან რუსეთის მოქალაქეების გადინებაა.

მთლიანობაში, მიმდინარე წლის იანვარში ფულადი გზავნილები წინა წლის ანალოგიურ პერიოდთან შედარებით 8.5%-ით შემცირდა და 242.44 მლნ აშშ დოლარი შეადგინა. მთლიანი ფულადი გზავნილების 45.09% ევროკავშირის ქვეყნებიდან შემოვიდა.

იმ ქვეყნების ხუთეულში, საიდანაც საქართველოში ფული გადმოირიცხა, შედის: აშშ – 47.31 მილიონი აშშ დოლარი (19.52%); იტალია – 46.16 მლნ აშშ დოლარი (19.04%); რუსეთი – 25.46 მლნ აშშ დოლარი (10.5%); ისრაელი – 21.31 მლნ აშშ დოლარი (8.79%); გერმანია – 19.35 მლნ აშშ დოლარი (7.98%).

ამავე პერიოდში, საქართველოდან საზღვარგარეთ 28.3 მილიონი აშშ დოლარი გაიგზავნა, რაც 2024 წლის იანვრის ანალოგიურ მაჩვენებელზე 8.4%-ით მეტია.

ასევე წაიკითხეთ:

• 19/02/2025 – 2025 წლის იანვარში საქართველოში საგარეო ვაჭრობა 39.3%-ით გაიზარდა
• 20/01/2025 – 2024 წელს საქართველოში საგარეო ვაჭრობა 8%-ით გაიზარდა