“თეატრალურის კვარტეტი”: ჩვენი სიმღერით ყოველთვის მზად ვართ სადღესასწაულო განწყობის შესაქმნელად და ჩვენს მსმენელთან ძვირფასი მომენტების გასაზიარებლად - ფეხბედნიერი იყოს 2025 წელი საქართველოსთვის!

“თეატრალურის კვარტეტი” საახალწლო ღონისძიებების განრიგს სოციალურ ქსელში აქვეყნებს. როგორც გავრცელებულ ინფორმაციაშია აღნიშნული, ისინი მზად არიან სადღესასწაულო განწყობის შესაქმნელად.ასევე, კვარტეტი საქართველოს კათოლიკოს-პატრიარქს, ილია მეორეს აღსაყდრებიდან 47-ე წლისთავს ულოცავს. “საუკეთესო სურვილებით გილოცავთ ყველას, ვინც დღეს აღნიშნავთ შობის დღესასწაულს! გვიახლოვდება ახალი წელი და გვინდა ბედნიერი წელიწადი გისურვოთ სრულიად საქართველოს - ჯანმრთელობა, კეთილდღეობა და წარმატება იყოს თქვენი წლის მეგზური! აქვე, მთელი გულით ვულოცავთ აღსაყდრებიდან 47 წლის თავს უწმინდესსა და უნეტარესს, სრულიად საქართველოს კათოლიკოს-პატრიარქსა და მცხეთა-თბილისის მთავარ ეპისკოპოსს, ილია მეორეს - დაე, მრავალჟამიერ იყოს მისი სიცოცხლე!ჩვენი საახალწლო ღონისძიებები უკვე დაიწყო საქართველოს რეგიონებში. ჩვენი სიმღერით ყოველთვის მზად ვართ სადღესასწაულო განწყობის შესაქმნელად და ჩვენს მსმენელთან ერთად ძვირფასი ადამიანური მომენტების გასაზიარებლად. 21.12.2024 - ბოლნისი 25.12.2024 - ვანი 26.12.2024 - ჩოხატაური 29.12.2024 - თეთრი წყარო 30.12.2024 - დედოფლისწყარო ფეხბედნიერი იყოს ახალი 2025 წელი სრულიად საქართველოსთვის!” - წერს “თეატრალურის კვარტეტი”.