თბილისის საერთაშორისო აეროპორტში გრეპლინგის მსოფლიო ჩემპიონატიდან დაბრუნებულ სპორტსმენებს შეხვდნენ

2 ოქრო და 1 ვერცხლი - ამ შედეგით დაბრუნდნენ ქართველი სპორტსმენები ასტანაში გამართული გრეპლინგის მსოფლიო ჩემპიონატიდან. თბილისის საერთაშორისო აეროპორტში მათ გულშემატკივრები და მედიის წარმომადგენლები დახვდნენ.ყაზახეთის დედაქალაქში ჩატარებულ პლანეტის პირველობაზე ჩვენი ქვეყანა 6 სპორტსმენით გამოდიოდა, სამმა მათგანმა კი მედალი მოიპოვა. ოქროს 66 კილოგრამში გიორგი რაზმაძე, ხოლო 100 კილოგრამში ალექსანდრე თევზაძე დაეუფლნენ, ვიცე-ჩემპიონობა კი 92 კილოგრამში ამირან სვიმონიშვილმა მოიპოვა.