თამო კეშელავა: აღმოჩნდა, რომ “იმედმა” პოლიციის დანაშაული დამალა, ჩვენ, ხალხს დაგვიმალა, გადაიღო და არ გვაჩვენა

ანატოლი გიგაური და “იმედი” – კიდევ ერთი პროცესი, სადაც ჩანს, რომ რეჟიმი ებრძვის მოქალაქეებს.

აღმოჩნდა, რომ “იმედმა” პოლიციის დანაშაული დამალა, ჩვენ, ხალხს დაგვიმალა, გადაიღო და არ გვაჩვენა, გადაიღო და ადვოკატი მოატყუა. ეს აღარაა დანაშაულის შეუტყობინებლობა, ეს უკვე დანაშაულის ხელშეწყობა და თანამონაწილეობაა, “იმედი”.

ანატოლო გიგაური დააკავეს “იმედის” 8 წამიანი ვიდეოს გამო, სადაც, ჩანს, ხელს რომ კრავს პოლიციელს.

–დამარტყა მოულოდნელად სახეში და კი, ხელი ვკარი, რომ გამეწია და მეტი პროვოკაციის მოწყობა არ შეძლებოდა, თავს ვიცავდიო, – უთქვამს ადვოკატისთვის, ლაშა ცუცქირიძისთვის.

ალბათ, ბევრი გზა იყო ლაშასთვის, და თან იცი, რომ ყველა გზის ბოლოს რეჟიმი დგას და რთულია, ასეთ დროს არ დაკარგო შენი საქმის რწმენა და ბოლომდე იბრძოლო. მიუხედავად იმისა, რომ ვერც ერთი სამხილი ვერ იპოვა თავიდან იმისა, რომ პოლიციელმა დაარტყა ანატოლის, მაინც ბოლომდე ისე დაიცვა მისი უფლებები, როგორც გიგაურს სწორად და მართლად მიაჩნდა. დღეს, ლაშა იხსენებს, რომ თავიდანვე მითხრა, ხევსური ვარ მე, ტყუილს არ ვიტყვი, ტყუილი არ ვიციო და სულ ეს სიტყვები მახსოვდა ამ საქმეზე მუშაობისასო.