თამბაქოს კონტროლის ალიანსი ჰაერში წვრილი ნაწილაკების კონცენტრაციის შესასწავლად ჩატარებულ კვლევასთან დაკავშირებით განცხადებას ავრცელებს

თამბაქოს კონტროლის ალიანსის ინფორმაციით, 2024 წლის განმავლობაში ჰაერში წვრილი ნაწილაკების კონცენტრაციის შესასწავლად მასშტაბური კვლევა ჩატარდა და თამბაქოს კვამლის არსებობის დასადგენად გამოყენებული იქნა თანამედროვე, TemTop M2000 ჰაერის ხარისხის მულტიფუნქციური დეტექტორი.მათივე ცნობით, კვლევა შემთხვევითი შერჩევის პრინციპით, 118 დაწესებულებაში ჩატარდა.თამბაქოს კონტროლის ალიანსის განმარტებით, ყველა კვლევის მაჩვენებელი, ჯანდაცვის მსოფლიო ორგანიზაციის სტანდარტების მიხედვით, „კარგ“ ან „დასაშვებ“ კატეგორიებში ხვდება, თუმცა საჯარო და სამედიცინო დაწესებულებებში აუცილებელია ამ კუთხით სერიოზული ზომების გატარება.„საზოგადოებრივი ჯანმრთელობის სახელმწიფო პროგრამის ფარგლებში თამბაქოს კონტროლის კანონის აღსრულების ყოველთვიური მონიტორინგი ჰაერის ხარისხის შემოწმებასაც ითვალისწინებს. ჩატარებული კვლევების წლიური შედეგების თანახმად, 2024 წლის განმავლობაში ჰაერში წვრილი ნაწილაკების კონცენტრაციის შესასწავლად მასშტაბური კვლევა ჩატარდა. თამბაქოს კვამლის არსებობის დასადგენად, 2.5 მიკრონის ზომის და უფრო წვრილი ნაწილაკების გამოსავლენად გამოიყენეს თანამედროვე, TemTop M2000 ჰაერის ხარისხის მულტიფუნქციური დეტექტორი.კვლევა ჩატარდა შემთხვევითი შერჩევის პრინციპით, 118 დაწესებულებაში, რომლებიც მოიცავდა: 21 საგანმანათლებლო დაწესებულებას, 15 საჯარო დაწესებულებას, 28 სამედიცინო დაწესებულებას, 54 სამასპინძლო დაწესებულებას.სხვადასხვა ტიპის დაწესებულებებს შორის გამოვლინდა მნიშვნელოვანი სხვაობა: საგანმანათლებლო დაწესებულებებს საუკეთესო შედეგები აქვს, მაჩვენებლით 7.38 მკგ/მ3, რაც ჯანმო-ს სტანდარტების მიხედვით „კარგ“ კატეგორიაში ხვდება. სამასპინძლო დაწესებულებებში დაფიქსირდა 10.77 მკგ/მ3, რაც ასევე „კარგ“ კატეგორიას მიეკუთვნება.სამედიცინო დაწესებულებებში საშუალო მაჩვენებელი 15.52 მკგ/მ3-ია, ხოლო საჯარო დაწესებულებებში – 18.72 მკგ/მ3. ორივე მაჩვენებელი ჯანმო-ს სტანდარტებით „დასაშვებ“ კატეგორიაში ხვდება, თუმცა მიუთითებს გაუმჯობესების აუცილებლობაზე.აღსანიშნავია, რომ ფონური მაჩვენებლები (შენობის გარეთ) ხშირად აღემატებოდა შენობის შიგნით დაფიქსირებულ მაჩვენებლებს და მერყეობდა 35-50 მკგ/მ3-ის ფარგლებში. ეს მიუთითებს გარე ჰაერის დაბინძურების მნიშვნელოვან პრობლემაზე.მიუხედავად იმისა, რომ ყველა კვლევის მაჩვენებელი, ჯანმო-ს სტანდარტების მიხედვით, „კარგ“ ან „დასაშვებ“ კატეგორიებში ხვდება, საჯარო და სამედიცინო დაწესებულებებში აუცილებელია ამ კუთხით სერიოზული ზომების გატარება. აქვე აღვნიშნავთ, რომ გარე ჰაერის ხარისხის გაუმჯობესების საკითხიც უაღრესად აქტუალურია, რადგან დაბინძურების მაღალი ფონური მაჩვენებლები მიუთითებს ფართომასშტაბიან გარემოსდაცვით პრობლემებზე.2024 წლის მონიტორინგის ფარგლებში ჩატარებული კვლევა 2017 წლიდან დაწყებული ჰაერის ხარისხის მონიტორინგის პროგრამის გაგრძელებაა.2017-2024 წლების მონაცემების ანალიზი მნიშვნელოვან პროგრესს აჩვენებს:სამასპინძლო დაწესებულებები: 2017 წელს დაფიქსირებული მაღალი მაჩვენებლიდან (140 მკგ/მ3) მკვეთრი გაუმჯობესების შედეგად  2024 წლისთვის მაჩვენებელი 10.77 მკგ/მ3-მდე შემცირდა.საჯარო დაწესებულებები: 2017 წლის 52 მკგ/მ3-დან თანდათანობით შემცირდა, თუმცა 2022-2023 წლებში შეინიშნებოდა მცირე ზრდა. 2024 წლისთვის მაჩვენებელი 18.72 მკგ/მ3-ს შეადგენს.სამედიცინო დაწესებულებები: 2017 წლის 20 მკგ/მ3-დან 2024 წლისთვის 15.52 მკგ/მ3-მდე შემცირებით აჩვენებს, რომ ბევრი არაფერი შეცვლილა.შექმნილი სურათიდან გამომდინარე, მიგვაჩნია, რომ აუცილებელია, გაძლიერდეს მონიტორინგი საჯარო და სამედიცინო დაწესებულებებში, სადაც ბოლო წლებში შეინიშნება მაჩვენებლების მცირედით ზრდა.აუცილებელია, გაგრძელდეს საინფორმაციო შეხვედრები ორგანიზაციებში, მათ შორის განსაკუთრებით მნიშვნელოვანია საგანმანათლებლო დაწესებულებებში მოზარდებსა და სტუდენტებთან შეხვედრები.შემუშავდეს კომპლექსური გეგმა ქალაქის ფონური ჰაერის ხარისხის გასაუმჯობესებლად, რაც უმნიშვნელოვანესია მოსახლეობის არაგადამდები დაავადებების რისკფაქტორების შესამცირებლად“, – ნათქვამია თამბაქოს კონტროლის ალიანსის განცხადებაში.თამბაქოს კონტროლის ალიანსში განმარტავენ, რომ 2017 წლიდან მოყოლებული მიღწეულია მნიშვნელოვანი პროგრესი, თუმცა კვლავ არსებობს გამოწვევები და საჭიროებს გრძელვადიან და მდგრად გადაწყვეტილებებს.