თამარ ტალიაშვილმა აშშ-ში საქართველოს საპატიო კონსულებთან და ამერიკულ-ქართული ბიზნეს საბჭოს პრეზიდენტთან შეხვედრა გამართა

აშშ-ში საქართველოს საგანგებო და სრულუფლებიანმა ელჩმა, თამარ ტალიაშვილმა აშშ-ში საქართველოს საპატიო კონსულებთან და ამერიკულ-ქართული ბიზნეს საბჭოს პრეზიდენტთან, მამუკა წერეთელან შეხვედრა გამართა.საქართველოს საგარეო უწყების ცნობით, შეხვედრის ფარგლებში, ელჩმა ისაუბრა საქართველოში განხორციელებულ მასშტაბურ რეფორმებსა და ინფრასტრუქტურულ პროექტებზე, რომელთა მიზანია ქვეყნის, როგორც მრავალფუნქციური სავაჭრო-ეკონომიკური ჰაბის პოზიციის გაძლიერება. მან შეხვედრის მონაწილეებს მიაწოდა ინფორმაცია ისაერთაშორისო ინდექსებში საქართველოს მოწინავე პოზიციების შესახებ.„თამარ ტალიაშვილმა ხაზი გაუსვა იმ ფაქტს, რომ საერთაშორისო ეკონომიკური კავშირების გაღრმავების ხელშეწყობა საქართველოს საგარეო პოლიტიკის ერთ-ერთი პრიორიტეტია. საუბარი ასევე შეეხო 2025 წლის 21-23 ოქტომბერს დაგეგმილ თბილისის აბრეშუმის გზის ფორუმსა და მიმდინარე წლის სექტემბერში, აშშ-ის ბიზნეს დელეგაციის ვიზიტს საქართველოში. ღონისძიებაში  მონაწილეობა  მიიღეს აშშ-ში საქართველოს გენერალურმა კონსულებმა, მაია ბართაიამ და ლევან ყულიჯანაშვილმა“,- ნათქვამია საგარეო საქმეთა სამინისტროს ინფორმაციაში.მათივე ცნობით, შეხვედრას ესწრებოდნენ აშშ-ში საქართველოს საპატიო კონსულები – ზაზა ფაჩულია (კალიფორნია), ბერი ედვარდ გრირი (ფლორიდა), დეივიდ შიმპი (სამხრეთ კაროლინა), ჯანეტ მური (ტეხასი), ჯარედ უილიამ გათრი (მასაჩუსეტსი), ჯონ ევერტ ჰოლი (ჯორჯია) და ისააკ აპელბაუმი (კალიფორნია).